ЭНТРИЛ 10

ЕРӨНХИЙ ЗҮЙЛ

Энрофлоксацин 10% (100мг/мл) тарилгын уусмал.

Найрлагандаа 1мл тутамд:
Энрофлоксацин.. ............……………….. 100.0 мг
Туслах бодис ……… ............…………... 1мл хүртэл

ХЭРЭГЛЭХ ЗААЛТ
Энрофлоксацин бол нийлэг аргаар гарган авсан, өргөн хүрээтэй, нянгийн эсрэг буюу нян устгах үйлчилгээтэй тарилга бөгөөд олон төрлийн Грам (+) ба (-) бактери, микоплазмуудын эсрэг үр дүнтэй. Энэ нь кампилобактер, E. coli, Haemophilus, Mycoplasma, Pasteurella, Salmonella төрлийн энрофлоксацинд мэдрэмтгий бичил биетнээс үүдэлтэй хоол боловсруулах эрхтэн, амьсгалын замын халдварын эсрэг хэрэглэх заалттай байдаг.

ОЛГОХ ТУН, АРГА ЗАМ

Үхэр ба гахайд: 100 кг тутамд 2.5 мл-ээр 3-5 хоног арьсан дор тарина.
Салмонеллёз ба хүндэрсэн амьсгалын замын өвчний үед хэрэглэхдээ энэ хэмжээг 2 дахин нэмэгдүүлэх буюу өдөрт 100кг тутамд 5мл (5мг/кг биеийн жингийн энрофлоксацин) болгон хэрэглэж болно.
Үхэр: нэг тарилгын талбайд 10мл-ээс хэтрүүлж болохгүй.
Гахай: нэг тарилгын талбайд 2.5мл-ээс хэтрүүлж болохгүй.

 

ЭСРЭГ ЗААЛТ
Бүтээгдэхүүнийг урьдчилан сэргийлэх зорилгоор ашиглаж болохгүй. Мөгөөрсний ургалт болон/эсвэл хөдөлгөөний эрхтэн тогтолцооны гэмтэл, ялангуяа уналга ачлагын эсвэл тулгуурын эрхтэнд биеийн жингээс ачаалахтай холбоотой үенүүд гэмтсэн үед бүү хэрэглэ.

СӨРӨГ НӨЛӨӨ
Тарилгын талбайд хэсэг газрын урвал түр зуур илэрч болно. Хэрэв энэ зааварт дурдаагүй ноцтой сөрөг нөлөө, түүнийг анзаарсан бол малын эмчдээ мэдэгдэнэ үү.

АНХААРУУЛГА
Ердийн ариун нөхцлийг хангаж тарилга хийнэ. Фторхинолоныг бусад бүлгийн нянгийн эсрэг эмэнд муу хариу өгсөн эсвэл муу хариу өгөх магадлалтай эмнэлзүйн нөхцлийг эмчлэхэд зориулж хадгалах хэрэгтэй.
Боломжтой бол фторхинолоныг зөвхөн мэдрэмтгий байдлын шинжилгээнд үндэслэн хэрэглэнэ. Эмийг заасан заавраас гадуур хэрэглэх нь фторхинолонуудад тэсвэртэй бактерийн тархалтыг нэмэгдүүлж, бусад хинолонтой эмчилгээний үр нөлөөг бууруулж болзошгүй юм. Лабораторийн судалгаагаар хээлийн хөгжил, хээлийг хордуулах нөлөөтэй болохыг нотолж чадаагүй байна. Хээлийн болон саалийн үед хэрэглэж болно. Биеийн жингийн 25 мг / кг тунг 15 хоног дараалан хэрэглэвэл эмнэлзүйн шинж тэмдэг илрэхгүйгээр тэсвэрлэдэг. Тун илүүдэхэд ажиглагдах эмнэлзүйн шинж тэмдгүүдэд номойрох, доголох, атакси, бага зэрэг шүлс гоожих, булчин чичрэх зэрэг орно. Санамсаргүйгээр тунг хэтрүүлбэл эсрэг эм байхгүй тул шинж тэмдгийн эмчилгээ хийх ёстой. Тохиромжтой байдлын судалгаа хийгдээгүй тохиолдолд энэ бүтээгдэхүүнийг бусад мал эмнэлгийн эмтэй хольж болохгүй.

ХЭРЭГЛЭГЧИЙН СЭРЭМЖЛҮҮЛЭГ
Бүтээгдэхүүн нь шүлтлэг уусмал юм. Бүтээгдэхүүнтэй харьцахдаа нүдний шил, бээлий өмс. Өөртөө санамсаргүйгээр тарилга хийхээс болгоомжил. Арьсан дээр асгарсан зүйлийг шууд усаар зайлж угаана. Нүдэнд санамсаргүй байдлаар цацагдах тохиолдолд их хэмжээний цэвэр усаар зайлж угаана. Хэрэв цочрол гарвал эмчид хандах хэрэгтэй. Өөртөө санамсаргүйгээр тариа хийлгэсэн тохиолдолд эмчээс зөвлөгөө авч, шошгыг эмчид үзүүлээрэй.
Фторхинолонуудад хэт мэдрэгшилтэй хүмүүс бүтээгдэхүүнтэй холбоо барихаас зайлсхийх хэрэгтэй. Бүтээгдэхүүнтэй харьцахдаа идэж, ууж, тамхи татаж болохгүй.
Орон нутгийн хог хаягдлыг зохицуулах байгууллагын зааврын дагуу ашиглагдаагүй бүтээгдэхүүн, хоосон савыг хая.
 

БИЕЭС ГАДАГШЛАХ ХУГАЦАА

Мах, гэдэс дотор: 14 хоног

Сүү: 84 цаг  

 

ХАДГАЛАХ НӨХЦӨЛ
25°С-с дээш хэмд хадгалж болохгүй. Хуурай нөхцөлд хадгална. Хөлдөөж болохгүй. Гэрлийн тусгалаас хол зориулалтын саванд хадгал. Савыг онгойлгосны дараа хадгалах хугацаа: 28 хоног. Эхлээд савыг онгойлгохдоо хавсралтад тодорхойлсон хадгалах хугацаа, саванд үлдсэн бүтээгдэхүүнийг хэрэглэх хугацааг анхаарч ажиллах хэрэгтэй. Картон цаас болон шилэн дээр хангалттай зайд шошгон дээр бичсэн байх хэрэгтэй. 

САВЛАГАА
100 мл, 250 мл эсвэл 500 мл тарилгын шил.

                              ЗӨВХӨН МАЛ ЭМНЭЛГИЙН ЗОРИУЛАЛТААР ХЭРЭГЛЭНЭ.
 

Үйлдвэрлэгчийн нэр, албан ёсны хаяг: “БИМЕДА”